يمكن

صوت فدماغك بيقولك:

بحبها..

مشتاقلها..

محتاجها..

-------------------------------

ليه..سؤال بتسأله لنفسك مية مرة من ساعة اللي حصل..

قاعد عالسرير..باصص للحيطة فوقك..

بتفكر..ليه؟!

تقوم زي التايه تلف في الاوضة كام لفة..عينك تلمح المراية كأنك أول مرة تشوفها..

تبص لوشك في المراية..شكلك مقبول نسبيا..

يمكن دقنك..لو كنت حالقها ساعتها..

عنيك لونها مميز..يمكن افتكرتك عفريت..لالا إيه الهبل ده..

تبص تحت..يمكن الكرش؟

عادات الاكل بتعتك اتغيرت كتير..بس ده كان من بعد اللي حصل..

لأ مش ده السبب ..ترجع للحيرة تاني..

عادات الاكل بتعتك اتغيرت كتير..بس ده كان من بعد اللي حصل

-------------------------------

بحبها..

مشتاقلها..

محتاجها..

-------------------------------

تتكعبل في الكورة وإنت ماشي..

تبدأ تجرب كام حركة اتعلمتهم..تحس إن إنت ناسي كل حاجة..

تشوط الكرة بعيد..

تطلع بره الاوضة..مفيش صوت..سكون..

تروح اوضة المعيشة..فين البشر؟ كلهم اتفقوا يتخلوا عنك دلوقتي؟

ينط فدماغك كتاب 100 عام من العزلة..متعرفش إيه العلاقة..

فين البشر؟ كلهم اتفقوا يتخلوا عنك دلوقتي؟

-------------------------------

بحبها..

مشتاقلها..

محتاجها..

------------------------------

تبص عالكورنر تلاقي اللابتوب زي ماسبته آخر مرة..

تروح تفتحه..ساعة بيفتح )يخرب بيت أم الhp)..

تجري عالمسنجر والفاسبوك..تمارس العادة اللي اتعودت عليها من ساعة اللي حصل..

تبص على بروفايلها..

تدور تدور..مفيش حاجة..

راحت فين دي؟!

تكتشف إن مش عندك في صحابك

تدور تدور..تشوف المسنجر ..مش موجودة أصلا..

تدور تدور..مفيش حاجة..راحت فين دي؟!.

-------------------------------

بحبها..

مشتاقلها..

محتاجها..

------------------------------

الفار يبتدي يلعب في عبك..

تجري عالمسنجر..تشوف أي صاحب مشترك مابينكوا..

تتكلم مع واحد..إزيك؟..تمام..وإنت؟..تمام الحمدلله..

أُمّال فينها؟..مين هي؟..مين دي أصلا؟

تتصدم..بيقولك مين دي أصلا..

إيه ده..ده حلم ولا حقيقة..

كل الفترة دي كنت بتحب سراب..

كنت بتجري ورا سراب؟..بتحلم بسراب؟

تمشي زي التايه لغاية الاوضة..

تتمدد عالسرير..وتغمض عينك..يمكن تطلعلك في الحلم تاني..

كل الفترة دي كنت بتحب سراب..كنت بتجري ورا سراب؟..بتحلم بسراب؟

--------------------------

(تسمع صوت بناتي:

If I fell in love with you... Would you promise to be true?

)

If I fell in love with you... Would you promise to be true?

كتبت في: 6 -سبتمبر-2009

فوتوغرافيا: آيات فوزي

Tweet

Software Freedom Day (SFD)

Software Freedom Day (SFD) is a worldwide celebration of Free and Open Source Software (FOSS). The goal in this celebration is to educate the worldwide public about the benefits of using high quality FOSS in education, in government, at home, and in business -- in short, everywhere! The non-profit company Software Freedom International coordinates SFD at a global level, providing support, giveaways and a point of collaboration, ...but volunteer teams around the world organize the local SFD events to impact their own communities.
The event targets people interested in FOSS technology and principles but also -mainly- people who don't have any background, don’t know anything about open source but are willing to learn about it. We believe that providing the public with information about open source will increase the adoption of open source software and replace- to some extend - closed source software.

Goals & Objectives:
Our goal is to foster a general understanding of software freedom, encourage adoption of free software and open standards and celebrate software freedom and the people behind it.
By this we hope to increase the awareness of open source software among our community.
Our mission is to spread the word of open source in our city in every possible way, to give students the urge to learn, use, develop and share different open source technologies, to tell students about technologies that they would want to use and help them use it during this period.

Costs:Free

Date: 24 - 26 August 2010

Place: Bibliotheca Alexandria

Seats are limited so register ASAP
Registration Form:
https://spreadsheets.google.com/viewform?formkey=dFBMM0IyWEg5bkNuSGVGeWQ1R0g2Qmc6MQ

For More Info.:
http://softwarefreedomday.org/
http://osum.sun.com/group/alexandriauniversityosum
http://www.facebook.com/event.php?eid=116643131719800

Or send Email :

ahmedemara0@gmail.com
rania.ibrahim.salama@gmail.com Tweet

في الجوف

تبكي..تميل إلي باحثة عن لمسات قلبي..وهي حين تبكي تتدفق أرق المشاعر وتنسال في صمت ورهبة الراهب الواقف في محراب الحب,كي تغزل أعذب ألوان الحزن....أراها وقد تملكها الخوف والقلق..أراها وقد صارت في طريق هي فيه تائهة..هي كمن دخل جوف ولا يعرف كيف دخل ولا يدري من أين الخروج,فيبحث عن المخرج والمنقذ..يستنجد فلا يسمع إلا صدي صوته الخافت..يري بصيص من شعاع نور,فيتملكه الأمل للحظات ويتوهم..وسرعان مايتيقن أنه مجرد بصيص عابر....ولكنه يأبي الإستسلام بهدوء,فيبدأ محاولا بجميع السبل معرفة مدخل ومخرج الجوف..يبحث في جميع أركان الجوف ذهابا وإيابا..فتارة يتقرب وتارات أخري يبعد..وذلك لحيرته بين التسليم وبين الإستسلام..فالتسليم الأول هو التسليم للجوف..والتسليم الثاني هو الإستسلام يأسا في معرفة بداية ونهاية الجوف...فيموت في قلب الجوف ويزول....أما الآن....فهو جالس في الجوف في حيرة وهو يبكي والجوف يحب أن يراه يبكي..فيقترب منه أكثر فأكثر حتي تتلاقي الأنفاس ويسمع تنهدات قلبه,فيضع يده بخفة حول عنقه ماسحا دمعه وصولا إلي خديه..ويهمس في أذنه باسما ويقول : " ألا إني أنا الجوف فلم تريد الخروج؟,وبأي منطق تبحث عن مخرج وهو بينك وبينه خطوتين ولكنك معطيه ظهرك..لا أري مفيد في وقوفك فإما أن تدخل في الجوف وتتعمق وإما أن ترجع إلي الوراء خطوتين..فإن دخلت فلا تسأل ,وإن خرجت فلا تطلب الرجوع"...

كتابة: الشيماء السعدني

Tweet

عثمانيات

-التحضر الزائف: إنك تاخد بعض أفراد العيلة من الجيل الكبير لفرح في فندق فلسطين
ليه بقى ..اقولك ليه:
1-نميمة نميمة نميمة نميمة نميمة على كل البشر..نميمة على المسئول عن القاعة كمان..مبيسبوش حد فحاله.."مش دي البت اللي سابت جوزها من 5 سنين..هي متجوزتش تاني ليه".."مش عارفة أكيد العيال شغلوها بقى وهي أصلا مش حلوة ".."آه على رأيك"
2-أكتر حاجة ضحكتني واحنا رايحين الفرح ..كنا معديين عالبحر..فـواحدة من قرايبنا الكبار دول بتقول..نادي التجاريين دول حرامية..بينصبوا عالناس..الحاجات عندهم غالية قوي..ده الشاي بـ3 جنيه..اعتقد لو ودينهم سيلانترو ولا حاجة هيجلهم سكتة قلبية وقتي
3-بطريقة ما..واحدة من الجيل الكبير برضه عرفت تكلفة الفرد الواحد في الفرح كام..فـطول القعدة بقى..دول اضحك عليهم..دول اضربوا على قفاهم..ولما نزل الحلو..كان فيه ايس كريم..سمعت تعليق كده..إيه ده جيلاتي عزة أحسن منه..

-امبارح كان عندي انترفيو في الكلية..فـحقيقة إن واحد صاحبي اللي كان هيعملي الانترفيو خلاني مهتميش قوي فـرحت بشورت..داخل عالبوابة لقيت الراجل بيقولي ممنوع..بقوله ممنوع إيه, بيقولي ممنوع الدخول بالشورت..ليه؟ مفيش سبب..جيت أدخل من الباب التاني قال لي ممنوع يا أستاذ..روح ادخل من الباب اللي فيه الظابط..اللي هو أنا لسة جاي منه..المهم مدخلتش في الآخر..وأنا واقف بره لقيت واحد لابس شورت بس أطول شوية قام مدخله..طب إيه المقياس؟ على رأي واحد صاحبي لو اللي قاعد عالباب الشورت ماأثارهوش بيعدي اللي لابسه..لو اثاره(أيوه قصدي المعنى ده)..ميعدهوش..
السؤال هنا..ليه؟طيب أنا كنت باحكي الموضوع ده لواحد صاحبي في المجمع..قال لي عندهم ممنوع برضه..بس البنات بالشورت أو ميني جيب بيدخلهم..طب اشمعنا؟ مفيش سبب واضح..

-في سؤال بيطرح جانب اخلاقي جامد ..شغل بالي الفترة اللي فاتت دي..الا وهو..هل من الأخلاقي استغلال حدث مؤسف ومدمر لشخص معين أو عدة أشخاص في مقابل الترويج لهدف نبيل؟
أنا بتكلم عن واقعتين محددتين..الاولى واقعة أسطول الحرية..واللي مات فيها ناس كتير..وتم استغلالها للترويج لصورة إسرائيل البشعة..بس على حساب ألام وجثث ناس كتير ماتت..التانية هي واقعة خالد سعيد..وإزاي تم استغلال اسمه في اظهار بشاعة النظام ..
على فكرة أنا مش ضد الحملة دي..أنا بس بطرح تساءل جه فدماغي..ومش لاقيله إجابة

Tweet

لما عصير القصب بقى بجنيه

الحكاية كلها بدأت-أو يمكن انتهت-أما عصير القصب بقى بجنيه
زمان..مش زمان قوي يعني..أما كنت ببقى مروح..فـفي سكة مرواحي باعدي على مكة-بتاع العصير,مش هسيبلك مجال للاستظراف-المهم كنت ببص فجيبي كده الاقي ربع جنيه..هوبا اقوم رايح ضاربلي شوب قصب..قمة المتعة
وفي سنة من السنين..سافرت السعودية..وجيت..ومرة كده معدي من جنب مكة..لقيت فجيبي ربع جنيه..معيش غيره..بتحصل..المهم رايح للراجل وبكل ثقة.."واحد قصب".."القصب بنص جنيه"..أوبا أعمل إيه أعمل إيه.."طيب أنا معيش غير 50 هروح افك واجيلك"..ومشيت بسرعة..صوت من بعيد كده.."هات افكهالك أنا معايا فكة"..وأنا ولا الهوا
من كام شهر بقى..نازل كده فأمان الله..معدي من عند مكة..ورايح اطلب قصب..إذ أفاجأ بان عصير القصب-أبوربع جنيه- بقى بجنيه!..القصب اللي عندنا منه كام فدان فأسوان..بدفع جنيه عشان اشربه..ببص كده اتاكد يمكن قصدهم قصب تاني ولا قصب بحاجة تانية ولا يمكن الراجل أحول حط حاجة مكان حاجة..لقيت لأ..القصب فعلا بجنيه
امبارح ماشي في الشارع..ببص لقيتلك حاجة صدمتني..واللهِ اتصدمت..كيلو العنب بـتمانية جنيه ونص!
الفكرة إن أنا دلوقتي قاعد في البيت لوحدي ومعايا أخويا..ومن ساعة ماأهلي سافروا مجبناش فاكهة ولا خضار أما حسيت إن هيجيلنا هشاشة عبال ماييجوا..فـقلت أنزل كده أجيب فاكهة وبتاع..لقيت اسعار غريبة..الموز بـ 6 جنيه..مانجة بـ10 و12..تفاح بـ15..وحاجات غريبة تانية..حسيت فعلا بالتضخم..تضخم مرارتي لدرجة إنها كانت هتتفقع وتضخم حاجة تانية مينفعش اقولها عشان الذوق العام

..

Tweet