طبعا لأ

"تفتكر الاعلان ده هيغير في الناس اللي بتعمل كده؟ طبعا لأ!"

أكيد كلنا سمعنا الجملة دي فيرمضان مالايقل عن 50 مرة...دا عنوان الحملة الجديدة اللي عملها الحكومة للحفاظ على المرافق العامة ..الغريبة إن الحكومة فجأة اكتشفت إن الاعلانات دي ملهاش لازمة..وإن الإنسان المصري جزمة قديمة وعمره مابيسمع الاعلانات التوعوية دي ..فقرروا يعملوا اعلان يقوللهم طُز فيكم والبركة فيكم..:D..الاعلان نفسه مقسم نصين وموجة ل نوعين مختلفين من المصريين..1-اللي بيبوظوا الحاجات: دول طُز فيهم..2-بقيت الشعب: دول بقى مفروض يقولوا للغلط

لأ..هو أنا متفق إن الإنسان المصري مفروض ميبقاش سلبي ماشي...بس ده مفروض يبقى في الحياة عامةً مثلا سياسيا..اجتماعيا...ثقافيا...

المهم البوست ده أصلا مش عن الإنسان المصري :D...البوست ده هنتكلم في عن الاعلانات التلفزيونية...'TV Advertisement'

نتكلم شوية عن تاريخ الاعلانات...طبعا من البديهي إنها ظهرت بعد ماالتليفزيون ظهر..لو شفنا تاريخ الاعلانات هنلقي إن أول اعلان ظهر كان في سنة 1941 ..كان في ماتش baseball فيامريكا ..واحد بيصنع ساعات عمل اعلان مدته 10 ثواني قبل الماتش...ودفع..تخيلوا كام..دفع 4 $..يابلاش..

من شروط الاعلانات طبعا إنه يكون جذاب..سواء موسيقى أو حركة أو الكلام نفسه...والاعلان لازم يكون عن منتج مناسب للمكان اللي بيتعرض فيه..ومن الحاجات المهمة جدا برده المصداقية في الاعلان...في النقطة دي بأفتكر دايما اعلانات محلات elfast-food...يجيبلك السندويش قد برطمان المخلل..في ال آخر تلقيه اصغر من علبة الزبادي :D...

.وصناعة الاعلانات بتتقسم ل 3 حاجات التمويل ..الفكرة....ومكان العرض...

التمويل:أهم حاجة طبعا...التمويل بييجي من الشركة صاحبة الاعلان...هنا ييجي سؤال..الاعلانات الخيرية ومستشفى السرطان ومصلحة الضرايب..بيدفعوا؟

أيوه بيدفعوا..وكان في انتقادات جامدة اتوجهت لمصلحة الضرايب عشان بتعمل اعلانات كتير وبتاخد من فلوس دافعي الضرائب ....

الفكرة:الفكرة بتبقى تاني أهم حاجة في الاعلان...كلنا فكرين في التسعينات..لما colgate تقريبا عملت اعلان عشان عايزين فكرة اعلان ل معجون جديد بطعم النعناع واللمون..ودفعت 250000 جنيه ل صاحب الفكرة ..بتاع لمووووووووووون...نعناعةةةةةةةةةة..:D

..الفكرة طبعا بتشمل الإبتكار..

مكان العرض:معناه القناه مثلا اللي هيتعرض فيها...لازم صاحب الاعلان يختار وجهة مناسبة ل اعلانوا...زمان الإتجاه في السلع المعمرة كان بيبقى في القنوات الفضائية..إنما السلع الإستهلاكية بتبقى في القنوات الأرضية..دلوقتي ومع التحسن النسبي في مستوى المعيشة وإن كل الناس عندها قنوات فضائية مبقاش في قيود للاعلانات..

بعد المقدمة اللي لابد منها دي...

نتكلم عن تأثير الاعلانات دي...أكيد الحملة الاعلانية بيبقى ليها تأثير حتى لو عالمدى البعيد...وخاصةً الاعلانات عن الحملة السياسية..(طبعا في دي مش بنتكلم عن مصر)...ومن قوة تأثيرها بعض البلاد منعت الاعلانات السياسية على قنواتها زي النرويج...وفرنسا قللت منها...

الاعلانات عن المنتجات بقى...برده بيبقى ليها تأثير...بس أنا الصراحة مش بأحس بيه ممكن يكون عيب فيَّ...يعني مثلا أنا شايف إن اعلانات موبينيل أحسن من فودافون بس ده مخلنيش اغير واشتري موبينيل ...

مش عارف إيه خلاني أكتب وادور في الموضوع ده..بس غالبا بسبب الهجمة الشرسة اللي بتحصل من الاعلانات فيرمضان ..كإن رمضان شهر المسلسلات والاعلانات..وإن كنت مش هخفي اعجابي ببعض أفكار الاعلانات دي..موبينيل..فودافون..بيبسي..كوكاكولا..أوبترا..وغيرهم ...

مستقبل الاعلانات التلفزيونية مش مشرق قوي...بسبب ظهور digital video recorders..ودي أجهزة بتسمح بتسجيل برامج التلفزيون على hard-disks..وطبعا ده بيسمح بان المشاهد يجري الاعلانات مثلا لو مش عايز...بس الشركات فكرت إن الحكاية دي ممكن متأثرش فيها عشان هي بتعمل اعلانات أصلا مثلا في سباقات العربيات وده بيتذاع...ماتشات الكرة ودي بتتذاع ولازم تتفرج...وكمان في حاجة اسمها product-placement..ودي مشفنهاش قوي في الوطن العربي...ودة مثلا يبقى في برنامج بيتكلم عن الطبخ..مثلا هيستخدم قشطة ..يقوم جايب قشطة نوع nestle..يبقى كده أهو اعلان منه فيه..:D

اسيبكم بقى مع شوية اعلانات مش حقيقية :D

Tweet