شيكاجو....للكبار فقط..

أسطورة رواية شيكاجو:

من ساعة ماشيكاجو طلعت..2007,وكل واحد قراها من صحابي ابدا اعجابه الشديد بيها...خاصةً الولاد...بس ساعتها ماكانوش حددوا سبب الاعجاب بيها...وأنا طبعا مكنتش قريت عمارة يعقوبيان...فـمعرفش علاء الأسواني بيكتب إزاي وكده..المهم من ساعتها اتكونت فيدماغي..فكرة إن علاء الأسواني ده غالب شكسبير...وإن الرواية دي ولا tale of two cities في زمانها...فـقررت إني اشتريها...

مقدمة لابد منها:

علاء الأسواني:

علاء الأسواني دكتور اسنان..ماجستير اسنان من امريكا,شيكاجو..جامعة إلينوي...عضو في حزب كفاية المعارض...كان من عائلة برجوازية...بيكتب مقالات فيكتير من الصحف والمدونات...

شخصيات الرواية:

شيماء وطارق: هي من الريف..هو من القاهرة...بيدرسوا فيشيكاجو..منحة...شيماء كانت بنت منغلقة...وفضلت كده في شيكاجو لحد ماقابلت طارق..حبوا بعض..المهم اتطور الموضوع إن هي حملت منه...

رأفت ثابت وكرم دوس:جراحان مصريان..بيكرهوا المصريين..وبيدرسوا في شيكاجو..

محمد صلاح:دكتور بيدرس في الجامعة...بيحب المصريين ومصر ودايما فيباله...بيستقبل بنفسه الطلاب المصريين الجدد..

جورج ميكايل:بيكره العرب..دكتور في الجامعة..

جراهام وجايمس بايكر:دكاترة في الجامعة..يتميزو بالعدل والنزاهة ..ومش بيكرهوا العرب..

ناجي عبدالصمد:طالب خد منحة يدرس فيشيكاجو...وهو معارض للحكومة وده بيعرضوا إن هو يتفصل من المنحة..كان واحد من اللي نظامه مظاهرة لما رئيس مصر زار امريكا..بس المباحث عرفت ومنجحتش الخطة..

أهم شخصية فيرأيي:أحمد دنانة:رئيس اتحاد الدارسين المصريين في امريكا...شخصية متناقضة...فاشل في الدراسة..مركزه بيتيحله إنه يستغل الناس اللي في المنح...ويحسسهم إن هم أقل منه...بيشتغل عميل للمباحث المصرية...هو اللي فتن على ناجي...عضو في امانة شباب الحزب الحكم...اتجوز واحدة بالعافية...ولما الدكتور المشرف على رسالته اكتشاف إنه بيغش هدد إنه يلغيله المنحة فـهو لجأ للمباحث المصرية...واحد هناك وافق إنه يساعده مقابل يستغل مراته..وهو وافق..

أحسن موقف في الرواية:

لما اتفق الناس المعارضين للحكم فيمصر...منهم محمد سلا وناجي عبدالصمد..إن د.محمد صلاح هيقول بيان المعارضة قدام الريس لما ييجي امريكا..بس هو تراجع ومقدرش..وبعدها قرر الإنتحار...لأنه اكتشاف إن الموت السريع أحسن من اللي كان هيحصله لو قال البيان...

الرواية بصورة عامة:

الرواية بتتكلم عن حال المصريين اللي بيعيشوا فيامريكا..سواء دراسة أو شغل..والتناقضات اللي بيعيشها بسبب اختلاف الثقافة والعادات..وكمان بتتكلم عن دور المباحث المصرية بره مصر وجوه مصر..وطبعا عن الفساد في مصر...

رأيي الشخصي في الرواية بشكل عام:

وصف ل شيكاجو..بسبب خبرة الكاتب السابقة(درس في شيكاجو)...الكثير من الجنس...ابراز الفساد والقمع الأمني فيمصر ...

بعض النقاط:

-حاجات كتيرة بعض الناس هيتعرضو ليها ل أول مرة في الرواية دي..ياريت ماتتصدموش..مانصحش بقرايتها ليلي مش بيرتاح في المواضيع دي...

-من الواضح إن الكاتب كان معتمد في نجاح الرواية على الكلام بشكل مبالغ فيه على الجنس...في اعتقادي الشخصي...30% من الناس اللي اشتروها اشتروها للسبب ده...

-الرواية ك بناء روائي كويسة في رأيي..وأحسن من عمارة يعقوبيان..

-الراجل بين إن المصريين كلهم دماغهم عبارة عن:جنس بعدين جنس بعدين بقى الحاجات التانية...يعني كل تحركاتهم أو افعالهم بتبقى مربوطة بـكده...وده انتقاد كبير وجه ليه...(وجهت للرواية الكثير من الانتقادات بسبب الحديث عن الجنس المبالغ فيه, حيث أن الكاتب قد وصف الحياة الجنسية لأغلب شخصيات الرواية بأدق تفاصيلها إلى درجة كاد أن يتحول فيها الجنس إلى بطل الرواية) ويكيبيديا

-الكاتب كان بيعرض اراه بشكل غير مباشر على لسان الشخصيات...زي لما اتكلم عن الحجاب والمد الوهابي فيمصر...وعن الاجهاض...

-اكتشفت إن أسهل طريق للنجاح فيالزمن ده في الكتابة: معارضة النظام أو الكلام عن الجنس...بغض النظر عن جودة الكلام نفسه...

-أنا متابع جيد ل مقالات علاء الأسواني وبتعجبني اراؤه...ده ميمنعش إن شيكاجو معجبتنيش خالص...

-أتمنى إن الرواية الجاية تبقى في إطار مختلف..تبين المهارات الحقيقية ل علاء الأسواني...

Tweet

يوتوبيا ج1

ملحوظة:المقالة كلها مكتوبة بـ maren microsoft

الكتاب بتاع النهرده هو يوتوبيا ..من أحسن الكتب اللي قريتها إذا مكنش الأحسن..طبعا الرواية للعبقري د. أحمد خالد توفيق ..الفكرة العامة للرواية هي نظرة مستقبلية ل مصر ..مصر أم الدنيا وأكبر بلد عربي وافريقي ..لو استمرت في اللي هي في دلوقتي من اتساع في الفروق الطبقية واختفاء الطبقى المتوسطة ..وإن الغني بيزداد غنى والفقير بيزيد فقر ..والمصلحة والفساد الإداري..وطبعا فساد في القيادة السياسية ..وفساد في التعليم سواء الاساسي أو الثانوي أو حتى الجامعي ..احم كفاية كده بقى عشان عندي خطط للسنة دي مش ناوي اقضيها في السجن :D

الرواية بتتكلم إن مصر اتقسمت نصين...ناس اغنية عيشين في مكان اسمه يوتوبيا...وناس فقرا عيشين في بقيت مصر...يوتوبيا دي بيحرسها ناس من الكوماندوز الامريكان ...وطبعا دول عندهم كل التسهيلات...طيارات وعربيات وفلوس وكده...التانيين معندهمش حاجة..

المهم البوست هيبقى كالتالي ..هجيب شوية فقرات من الكتاب وهعلق عليها.

1-"عندما تخترق آخر حدود التعقل تشعر بأن التعقل يتمدد ليضم لنفسه حدودا أخرى يسيطر عليها الاعتياد والملل والرتابة."

الجملة دي قعدت فترة عبال مفهمتها ..بس بجد جملة عالية أوي,احنا دلوقتي فيزمان بنتصرف في بتعقل (reasonably)..يعني لو شفت واحد بينط من البلكونة هتقول ده مجنون..أو واحد بيكلم نفسه...دي اقصى حدود التعقل عندنا...في يوتوبيا ..بسبب اللي الناس بقت فيه ..اخترقو حدوده التعقل...يعني مثلا الشخص بدأ يكلم نفسه..دي أول مرحلة...مع تكرار الحكاية ..بقت حاجة عادية..دخلت في مرحلة التعقل..بعد كده عمل حاجة تانية كانت فوق حدود التعقل..دخلت برده..وهكذا...لغاية مابقيت الحياة بنسبالهم مملة ورتيبة..

2-"-كان هذا عندما ابتعتم كل الاثار المصرية؟

-نعم...لم يكون لدى المصريين مايباع سوى الماضي"

الرواية بتتنبأ إن البترول هيروح عليه..وإن عالم امريكي هيخترع حاجة اسمها البايرول ...ده هيبقى بديل للبترول..وطبعا كده دول الخليج بالسلامة..وبتتكلم إن المصريين اللي شغالين في الخليج هيرجعوا ودي هتبقى بداية الإنحدار لمصر ..ساعتها امريكا هتشتري الاثار المصرية وهتدينا بدلها بايرول هيروح للناس فييوتوبيا....

3-معلومة:"هل تعلم ان صيد قبائل البوشمن كان نشاطا رياضيا مسموحا به فالقرن الماضي ؟"

ويكيبيديا:"حتى عام 1950 لم يكن العالم يعلم عنهم شئ حتى كتاب (لورانس فان در بوست ) كتاب مملكة كالاهاري المفقودة كان صيد البوشمن رياضة مسومح بها حتى انقرض اخر البوشمن من اليب نتيجة لكثرة الصيد في عام 1870 و اخر رخصة صيد اصدرتها حكومة نامبيا لصيد البوشمن كانت في 1936"

يتبع

Tweet