كنت قاعد كده بفكر في ماتش مصر والجزائر واللي حصل بعدها...جه في دماغي من نظرة تانية خالص...الريس بيعمل إيه دلوقتي..قلت اتخيل يوم في حياة الريس...ده الجزء الاول..لو فضلت عايش بعد ده هاكتب الجزء التاني..
------------------------------------------------------
هاااا..سيبني أنام شوية...الساعة كام؟ 9.. لسة بدري ياعم...إيه بتقول إيه؟ميعاد مع مين؟ رئيس تشاد..يييه حاضر.
حضرلي الحمام يابني...تعالى يابني شلني من السرير عالحمام...تعالى يبني قلع..مم..قصدي اطلع بره خلاص أنا هتصرف...
ياترى رئيس تشاد ده عايز إيه..مش فاكر كان مفروض نتكلم في إيه...يلا ماعلينا هسأل ابني...
يابنييي أنا خلصت تعالى شلني...واد يا جيمي تعالى عيزاك في كلمتين...هو النهرده هقابل رئيس التشيك ليه؟
ج:تشاد يا بابا تشاد..
آه تشاد,ليه بقى؟
ج:الراجل بس كان عيزنا نصدرله خبرتنا في مجال البقاء على الكرسي أطول فترة...
ياراجل..إنت جيت في جمل..دي أسهل حاجة...صحيح الولا علوا عامل إيه؟
ج: تمام بس بيجهز المكالمة اللي هيقولها النهرده عشان اللي حصل لينا في تونس..
إيه اللي حصلنا في تونس؟
ج:مش ضربوا الرقاصات اللي كنا بعتنهم عشان يشجعو ملكة جمال مصر في مسابقة ملكات جمال دول شمال افريقيا؟
ياراجل...لا لا لا..كله الا الرقاصات بتوعنا..قول لعلوا يجهز خطبة جامدة..بس يطلعني أنا من الموضوع...
ج:قشطة يا دادي..
بقولك..ناديلي بتاع الخارجية...قولوا يجيب معاه الكلمتين بتوع المؤتمر الصحفي...
إيه يا أبوالغطاغيط,عامل إيه؟
غ:تمام يا ريس..إنت عامل إيه؟ أنا جهزتلك الكلمتين وتمام...بس اللي هتلاقي حروف تخينة كده تقل عليه في الكلام...وحاطيتلاك كام نكتة كده على كام الشة عشان الناس تحبك يا ريس..
وريني كده..ممم...مش هنتهاون في كرامة رقاصات مصر..مم...مرة واحد جزائرى ماشى مع خطيبته بيقولها قوليلى حاجه توقع قلبى .... قالتله حاسب متعب وراك..جامدة دي...قشطة يا غطاغيطو..طير إنت بقى...
واد يا علوا..تعالى عيزاك...باقولك إيه...عيزك تولعها النهرده..واحتمال اخليك تنزل الانتخابات.. فاكس جيمي..
ع: ثانكس دادي..
-------------------------------------------------------------------------------------------------------
يتبع..
يتبع... يتبع ميين يابنى؟؟؟ يا رب تلحق حتى تقرا الكلمتين اللى بأكتبهم أنا دول
ReplyDeleteO.S....wahmeyaaaaaaaaa mot 3ala nafsi men el de7k walahi..:D w 2aretha le kol el family w they liked it a lot...waiting for the second part :D
ReplyDeleteOKAAAY
ReplyDeletebgd kan 7aga kewaisa 2wy 2ny 3rftak
w bgd 7tw7ashny :D :D
P.S : GAMDA MOOOOT
3'ATA3'ETO :p
LOOOOOOOOL
hatetzatt ya 3osmaaaaaaaaaaaaaaan
ReplyDelete