علوا..ناديلي رئيس الوزرا..إيه يا نظيف..إيه الكلام..نظفت جيوب الناس ولا لسة متوسخة بالفلوس؟
ن:لسة سيادتك في العلاوة ال10% اللي حضرتك نزلتها لسة موجودة في جيبهم
طب إيه نعمل إيه دلوقتي؟
ن: أنا رأيي احنا نعمل ضريبة على الهوا...يعني مش كفاية الشعب بيلوث الهوا كمان يتنفسه الهوا الباقي ببلاش؟
آه واللهِ عندك حق..إزاي كده مينفعش..خلاص ضريبة جنيه في اليوم على التنفس...
ن: طب بالنسبة للمشي في الشوارع سيادتك نحط ضريبة؟
إيه ده هو المشي في الشوارع مكنش عليه ضريبة لحد دلوقتي؟إزاي الكلام ده...2 جنيه ضريبة مشي...
ن:طب كده تمام يا ريس...تأمرني بحاجة تانية..
إنت كده 100 100 ..هاتلي القوة العاملة هنا..
ع:ايدك يا ريس ابوسها..
لالا استغفر الله...لو مكنتيش تحلفي بس...كفاية إيه القرف ده...
ع:اوامرك يا ريس..
خدي اقريلي الجواب ده كده..
ع: سيادتك إيه الاحراج ده أنا مبعرفش اقرا..
آه صح..طيب مش مشكلة...قوليلي إيه أخبار الوزارة؟
ع:تمام يا باشا...احنا ماشيين في خطتنا مع الدول العربية للقضاء على العمالة الفيليبينية والاندونيسيه في الدول الخليجية...واستبدالها بالعمالة المصرية..والخطة ماشية تمام..والخادمات المصريات منتشرات من المحيط إلى الخليج...
والله إنتي لو في زيك إتنين كانت ولعت...إيه ده معاد رئيس تشاد جه..أما الحق أصبغ شعري...أهو ناخدلنا صورتين كده في السريع معاه..
الحمدلله الإجتماع خلص...بتقول إيه؟ مكالمة من أوباما بذات نفسه..يادي الهنا يادي الهنا...هات كده..
ا:هاو ار يو سير؟
كله عال عال..المدام والاولاد بيسلموا عليك..وبيوصلوا سلامهم للعائلة الكريمة...
ا: اي دونت أندرستاند
آه واللهِ كله تمام...المدام بذات بتبلغ سلامها للمادام وبتقولهاعايزين نستبدل المعونة بـفساتين من بتوعك...
ا: اي سيد اي دونت أندرستند..
أهو العيد كان كويس يعني...بس الناس كالت لحمة كتير بقى وكده...بس السنة الجاية إن شاء الله مش هيبقى في لحمة خالص..
ا: سكرو يو
وإنت بالصحة والسلامة...سلام
-----------------------------------------------------------------------------------------------
يتبع
Yabny msh ws3t mnak keda
ReplyDelete2l rys msh bl tyba dyh :P
no seriously
2l nas dyh msh w7sha 2wy y3ny :P
nset t2ol 3ayz te3ma wala rashidy el mezan ??
ReplyDelete