4-1

النهارده عايز احكيلكم على يوم لذيذ...يوم افتتاح كاس العالم للشباب فيبرج العرب...كان يوم حلو قوي ..والإستاد أكتر من رائع...والماتش كان حلو

أنا كنت طالع في رحلة تبع الكلية كده...على أساس من خارج من داره اتقال مقداره...اسكتوا مش طلع المثل ده غلط....اتقال مقدارنا فيدارنا برده...اليوم مشى كده...ركبنا الأتوبيسات الساعة 12 التحركنا....كان في أتوبيس ناقص فـفي ناس وقفت...وصلنا الساعة 1 كده..عبال مدخلنا كانت 1:30...طبعا معروف إن أمن الإستاد قالوا إنه هيتقفل الساعة 2:30..عشان بابا جاي...لأ بابا حسني....وده سبب المشاكل اللي حصلت للناس اللي قطعة تذكر وراحت متأخر...المهم كان معانا حاجة كده اسمها تيكيت...ودي ليلي ميعرفش عبارة عن وراء تسمح ليك إن إنت تدخل مكان معيَّن بعد دفع رسوم معينة...بس تقريبا الإستاد مش جزء منهم...وقفنا على باب الإستاد وفجأة لقينا الباب اتفتح..وكله بيدخل ولا تيكيتس ولا بتاع...واللي يغيظك إن فيآخر الماتش المذيع الداخلي قال إن في 74000 واحد حضروا الماتش..طب ده على أساس إيه؟...بعد كده قعدنا بتاع 3 ساعات مستنيين الإفتتاح اللي فيرأيي الشخصي كان حلو...بعد كده الماتش...نيجي بقى للنقطة المهمة جدا...العودة...طبعا كلنا عرفين إن الحزب الوطني ربنا يكرمه كان عامل أتوبيسات تودي الناس الماتش..أنا قلت تودي..مش تودي وترجع...وتخيل إنت بقى منظر الناس اللي اتودت..ومش عارفة ترجع...بس احنا الحمدلله كان معانا أتوبيسنا..هما اينعم اتأخرو بس كويس إن لقينا حاجة تلمنا...وروحنا..كنت في ال بيت الساعة 1...كام ملاحظة كده

1-

كمية عرب فظيعة..يعني تقريبا 50 % أو أكتر من الدرجة التالتة عرب...وأهو أبوبلاش كتر منه

2-

كمية مخبرين كتير جدا...أي خناقة تحصل تلاقي واحد نطتلك كده...ولبس مدني عدي..الكلام ده مستحدث..لان فماتشات أهلي وزمالك مكنش بيحصل ده...وده تطبيقا للمثل...أنا وأخويا على ابن عمي...والمخبر هيمسكني هيمسكني

3-

أتوبيسات الحكومة ودت الناس..وبعدين رجعت تشتغل في خطوطها عادي...والناس بقى تتبهدل عدي...وهي دي بقى سكة اللي يروح ميرجعش

4-

الشعب المصري الغريب...كل مااسم بابا حسني ييجي فيأي حاجة..يسقفو ويهللوا..مش هو ده اللي مبهدلكم ولا إيه

5-

اخ من الأخوة الخبثاء...كان بيسأل ليه اسم مبارك على مدخل الإستاد مكتوب بعيد شوية...تسهيل..عشان لما ييجي جمال يكتبه جمال في الفراغ على طول...مايحتاجش لوحة جديدة

دلوقتي اسيبكم مع شوية صور بقى...

الإستاد في أول اليوم فاضي

الإستاد فيآخر اليوم مليان

الكرة الأرضية

أنا وموحا

أنا ولؤي

جماهير غفيرة

الفرقة العسكرية

اللعيبة بيسجدو بعد الماتش

Tweet

العيد والعيدية..وقصص أخرى..

كل سنة وأنتم طيبين تاني ..وعيد سعيد..ويارب تكونوا كلتو الكحك وشبعتو..وحليتوا بالغريبة وجعتو..بعدين كلتو البيتيفور وشبعتو تاني..:D

السنة دي العيد جي فيموسم انفلوينزا الخنزير...والحكومة طبعا عملت اللي عليها وقالوا بلاش تجمعات..وبعض الشيوخ المحترمين قالوا فتوى بجواز الغاء صلاة العيد منعا للتجمعات....طب بالنسبة ل طابور العيش؟ماعلينا...المهم يوم العيد ده كنت ظابط المنبه عالساعة 5...على أساس أصحى بقى وحمايت العيد وكده :D...المهم كما عودتنا المواقف دي..المنبه مرنيش..لقيت نفسي صاحي 5:30 كده...والبيت كلهم صحيين..طب متصاحوني يعني..حاجة غريبة...المهم صحيت..عايز اغسل وشي..لقيت الحماميين مشغولين...أيوه أيوه حماية العيد...قلت أعمل حاجة بقى طلعت لبس العيد الجديد قلت اكويه..المكوه فين...في الحمام...مسكت نفسي عن كلمة معينة...قلت طب أعمل حاجة مفيدة برده..مسكت شيكاجو اقرا فيها..إيه ده..استغفر الله العظيم اقفل اقفل.. أعمل إيه طيب..أخيرا حمام فضي..بسرعة بسرعة..دخلت بقى وفتحت المية..و..ممم...نتجاوز الجزء ده...المهم طلعت بقى..وقمت كويت اللبس ولبسته وجهزت خلاص...هتصلوا فين..أنا حصلي تحت..طب ماكلنا رايحين نصلي في النادي ..طيب هاجي معاكو..يلا بقى بسرعة فاضل 10 دقايق..نزلنا قلت حلاقي الشوارع فاضية بقى الحكومة قالت كده...المهم الشوارع زحمة..والنادي زحمة..والراجل كروتنا بسرعة...روحت..نمت..صحينا..يلا بقى الزيارات...ملحوظة عالزيارات...:1-لازم تاخد معاك تورتة أو كحك أو كده...ولازم تكون حاجة اللي قدامك يقدرها..والا لما هيجوا مش هيجيبولك حاجة.. 2-لازم تدي عيدية..أهو كله هيلف يلف ويرجعلك في ولادك... 3-لازم تقول نكت سخيفة...وتضحك ضحك جامد على أي نكتة سخيفة تتقال....4-اوعى تقول لأ شكرا مش عايز على حاجة بتعزم عليك..خدها ورجعها تاني في العلبة...أحسن هتخد كمية زن..مازنهاش مواطن ليه مصلحة عند واحد شغال في الحكومة..5-سلم دماغك وخدها وإنت ماشي...(من بهظ :D)

بعد ملفنا ورحنا وجينا...اذ فوجئت إن الساعة 7 ولسة مكلناش..وإذا بخالتي في بيت العيلة داخلة علينا بالنجده...أكل أكل..كلنا وشبعنا...إذا بخلتي داخلة علينا بالمفجأة التانية..ورق قديم قوي...الاهرام أول عدد...ورق عن الماسونية في مصر...ورق كتير كده قديم...قاعدت قريت فيه كتير...خدت عدد الاهرام...وصورت الباقي...وطبعا دي أهم حاجة طلعت بيها من اليوم ده(بعد الفلوس طبعا )...روحنا البيت...عالسرير عدل..وبكده يكون العيد خلص عائليا..وكل عام وأنتم بخير..

Tweet

رمضان..

أولا كل سنة وأنتم طيبين وعيد سعيد..

كام حاجة رمضانية كده عشان رمضان خلص ..:

1-كمية مسلسلات مصرية فاشلة مفيش زيها...السوري يكسب ل تالت سنة..

2-السيتكوم السنة دي بيتطور...بس في شوية منهم عايزين الزبالة..

3-الاعلانات بجد حاجة فوق الفظيعة...كل 5 دقايق اعلان...بس في ابتكار في الاعلانات...وأهو كله في صالح الدولة وتنمية الفكر الإستهلاكي اللي مش ناقص وتقليل الفكر الإدخاري...:S

4-رمضان السنة دي في ناس كتير محستش بيه..أعتقد ده بسبب إنه جاي فيوقت أجازة..وفي عز الصيف..ودي أول سنة يحصل كده..فـاتعودوا بقى عشان الحال ده هيستمر كام سنة كده...

5-ليَّ رأي صغير جدا في موضوع صلاة التراويح والتهجد...رأيي إن الشيوخ مفروض يقللوا وقت الصلاه..عشان أنا اعرف ناس مبتروحش االصلاة عشان طويلة...فـلو قليلوها الناس دي هتروح تصلي...وعلى فكرة في السعودية العشا بالتراويح ساعة واحدة فقط..

6-بالنسبة للأخت الفاضلة ايناس الدغيدي...هو اينعم بتيجي بعد الفطار بس برده مش كده يعني :D

7-بالنسبة للأخت الفاضلة أيضًا..لقاء الخميسي..إيه يا اوسا؟ عيب كده :D

8-أنا شخصيا أكتر حاجة عجبتني في التليفيزيون...الحاجات الخفيفة الانيماتين...أو كرتون...بسنت ودياستي ..القبطان عزوز...الحاجات اللي بتنجز دي...

9-يارب يكون كل واحد عرف يحقق اقصى استفادة من رمضان السنة دي..واللي معرفش..يدعي ربنا يبلغوا رمضان الجي إن شاء الله..

البوست الجي..العيد..وعيد سعيد...:D

Tweet

Full CPU Specifications

Check out this program,it shows all cpu specifications:

Here is the link..

Here is the link..

Tweet

Déjà vu

معلش يا جماعة عالتأخير في ال posts..بس عشان ظروف السفر وكده...

النهرده هنتكلم عن ظاهرة غريبة..كلنا حسنا بيها...ظاهرة ال Deja vu

Deja vu...معناها طبعا حاجة شفتها قبل كده...already seen...أوparamnesia..وده باليوناني ومعناها..قريب من الذاكرة...

الناس اللي بتجلها الظاهرة دي بيحسوا إنهم عاشوا الأحداث اللي بتحصلهم قبل كده...وإن الحاجات دي مش جديدة عليهم..مع انها جديدة...

كلنا أكيد حسنا بالاحساس ده..نكون ماشيين في شارع أول مرة..نحس إن احنا كنا في قبل كده..نقابل حد..نحس إن نعرفه قبل كده...

اللي سما الظاهرة كده..عالم فرنسي..اسمه..Émile Boirac..الظاهرة دي بتحصل للكبار والصغيرين سواء...وكمان لقوا إن في حاجات في الأدب القديم بتتكلم عن حاجة شبهها..يعني موجودة من زمان...

في اواخر القرن العشرين..ابتدى العلماء يعملوا ابحاث عالظاهرة دي..عشان يعرفوا سببها...بس موصلوش ل سبب واحد..بالعكس..طلع أراء كتيرة قوي على أسباب الظاهرة دي..

1-تفسير علمي:إن الشخص لما بيشوف المكان..الدم بيتأخر في ال وصول من الفص اليمين في المخ..للفص الشمال...فـعبال مايوصل..يكون كون ذاكرة في الفص اليمين..فـبتحس إنه حصلك قبل كده...

2-تفسير علماء الماوراءيات:العلماء دول قالوا إن الحاجات دي احنا عشناها فعلا قبل كده في حياة تانية...قبل مانبقى احنا دلوقتي...ولما توافرت الظروف المناسبة..ظروف نفس المكان مثلا أو الشخص وكده...افتكرناها...

3-تفسير نفسي:إن ده بيبقى وهم أو تحقيق ل رغبة مكبوتة..

في تلات أنواع للظاهرة دي:

1 - Deja vecu و معناها "تم رؤيته سابقاً" و بالأنجليزي"Already seen"

وفدي..دي الحالة الشائعة..اللي بتحس إنك شفت المكان ده قبل كده...أو شفت الشخص ده قبل كده..

2 - Deja senti ومعناها "تم الشعور به سابقاً" أو "Already felt"

وفيدي..بتمر باحساس تحس إنك عشته قبل كده..أو أفكار فيدماغك تحس إنك فرت فيها قبل كده..

3 - Deja visite ومعناها "تم زيارته سابقاً" أو "Already visited"

وده أغرب نوع فيهم...وده اللي مش لقينله تفسير...لان في ال نوع ده..ممكن تزور مكان جديد..تحس إنك زرته قبل كده..وكمان تعرف الاتجاهات فيه!!

وطبعا زي اغلب الظواهر...لازم بيبقى في ظاهرة مضادة ليها...الظاهرة دي اسمها jamais vu...

في الظاهرة دي..الشخص مثلا بيروح مكان راحوا 100 مرة قبل كده..بس مش بيفتكر إنه راحوا قبل كده...أو بيقابل شخص يعرفه ومش بيفتكروا..ودي دايما بتبقى مرتبطة بـضعف الذاكرة..amnesia...

فـيا اجامعة اللي يمشي فيشارع بقى ويحس إنه شافه قبل كده..ميقلقش..دي Deja Vu..

Tweet

Yemken..

soot f dma3'ak by2ol..

I love her..

I miss her..

I need her..

-----------------------------

leih..so2al bts2alo le nafsak 100 mara fl yoom mn sa3et ely 7asal...

2a3ed 3al sreer..bases lel 7eeta fo2eek..

btfakar...leih?!

t2oom zay eltayeh tlef fel 2oda kam lafa...3enak tlma7 elmraya ka2enak awel mara tshofha..

tbos le weshak fl meraya...shklak m2bool nesbyan...

ymken elda2n?? laa2 bs knt 7ale2ha lama safert...

3neek lonha momayaz...ymken eftkretek 3freet?..laa laa eh elhabal da..

tbos ta7t..ymken elkersh?

3adat elakl bt3tak et3'ayart kteer..bs da kan b3d ma7asal...

laa mesh da elsabab...trga3 lel 7eera tany..

-----------------------------

I love her..

I miss her..

I need her..

-----------------------------

tetka3bel fl kora wenta mashy..

tbda2 tgarab kam 7araka et3lmthom...t7es en enta nasy kol 7aga..

tshoot elkora b3eed...

tetla3 bara el2odaa..mfeesh sooot...

tro7 elliving...feen elbashar?..kolhom etf2o yt5alo 3anak delw2ty?

ynot f dma3'ak ktab 100 3am mn el3ozla...mt3rfsh eh el3laka...

-----------------------------

I love her..

I miss her..

I need her..

-----------------------------

tbos 3al corner tla2y ellaptop zay masebto a5er mara...

troo7 tfta7oo..sa3a bystart up (y5reb bet el HP)...

tegry 3al messenger wel facebook....tmares el3ada ely et3wedt 3leeha mn sa3et ely 7sal..

tbos 3ala profilaha ...

tdawar tdawar...mfeesh 7aga....

ra7et feen dy?!..

tekteshef en msh 3ndak 3al friends...

tdawar...tdawar..tshoof elmessenger msh mwgooda aslan....

-----------------------------

I love her..

I miss her..

I need her..

-----------------------------

elfar ybtedy yl3ab f 3ebak...

tegry 3al messenger..tshoof ay common friends...

tetkalem m3 wa7ed...ezayak?tmam..w enta..tmam 7amdulaa...

omal feen *****...? meen? ******.... meen dy aslan?

tetsedem!! by2olak meen dy asln..

eh da...da 7elm wala 72y2a??

kol elftra dy..knt bt7eb saraaab?

knt btegry wara sarab?..bt7lam b saraab?

temshy zay eltayeh l3'ait el2odaa..

tetmaded 3l sreeer..w t3'amad 3eenak..Yemken tetla3lak fel 7elm tany...

-----------------------------

(tesma3 soot banaty:If I fell in love with you... Would you promise to be true?)

Tweet

الجاثوم..حقيقة؟

النهارده موضوعنا هو الجاثوم...أكيد الناس اللي متابعة ماوراء الطبيعة هيبقى الأسم ده مألوف ليها..فكرين طبعا الأسطورتين اللي ورا بعض بتوع أحمد خالد توفيق...الجاثوم و آخر اليل..ومخبيش عليكم أنا بعد ماقريتهم معرفتش اتهنى بـنومة ل فترة مش قليلة...:D

هنتكلم عن الإسطورة والحقيقة..

الإسطورة:

أولا نقولكم ليه سمو الجاثوم ;في الثقافة العربية اتسمى الجاثوم لأن اللي بيبقى مصاب بالموضوع ده بيحس بحمل على صدره ..جاثم على صدره وجسمه..بيمنعوا إنه يتحرك..ومن هنا اتسمى الجاثوم...

الدكتور أيمن بدر كريّم، استشاري الأمراض الصدرية واضطرابات النوم:

"على مر القرون، تم وصف هذا النوع من اضطرابات النوم وذكره في عدة أدبيات ثقافية واجتماعية على أنه «الشر الدفين» و«عمل الشيطان» و«عفريت النوم» وغير ذلك. ويُطلق عليه في الثقافة العربية اسم «الجاثوم» لشعور المصاب بـ«الحِمل» الثقيل الجاثم على صدره وجسمه، يمنعه من الحراك ويلجم فمه.”

"الجاثوم" بقى حسب الأسطورة هو روح شريرة يفترض إنها بـتنام فوق الأشخاص في أثناء نومهم وتجبلهم كوابيس، وبرده يوصف "الجاثوم" أنه وحش صعب قوي يجثم على صدر الناس و يخنقهم لغاية مايموتو،بس اللي بيملك الجاثوم ده ..بيفضل الجاثوم مخلص ليه..وحارس وشخص أمين...

شكل الجاثوم:جسم عملاق..شبه القرد الضخم...وشه لونه السود..بيتعلق في السقف عشان ينزل على فريسته علطول...

أصل الأسطورة:

"كان أحد كهنة أمنحتب الفرعوني يملك سر ذلك "الجاثوم" إلى أن ملكه ساحر نكرومانسي كي يستفيد منه بطريقة شريرة ، مات النكرومانسي و ترك ولده يتيما لا يعلم شيئا عن السر و ظل الجاثوم أسيرا مربوط مصيره بحفيد النكرومانسي الذي لا يعلم عن أصله شيئا".

النكرومانسي(فن كهانة الموتى):هو نوع من السحر الأسود بيتم في استدعاء الروح الميتة ل سؤالها مثلا أو تنفيذ أي غرض معاها...

كده اتكلمنا عن الأسطورة..نتكلم عن العلم بقى...

Sleep-Paralysis ;ده الأسم العلمي للمرض ده...ودة بيصيب حوالي 3 من كل 10 أشخاص...وممكن إنسان متجلوش طول حياته وممكن إنسان تجيله أكتر من مرة في ال يوم الواحد..طيب..إيه سبب الحالة دي؟..اكتشفوا مؤخرا سبب الحالة دي..المعروف إن النوم بيتكون من كذا مرحلة....في مرحلة في النوم اللي بيحصل فيها الاحلام..المرحلة دي اسمها مرحلة )حركة العين السريعة)...ربنا عشان ماننفزش الاحلام دي احنا..خلق فينا حاجة سمناها (ارتخاء العضلات)..والآلية دي مهمة جدا في الإنسان..لما بتحصل كل عضلات جسم الإنسان بتكون مرتخية ومشلولة...ماعدا الحجاب الحجز وعضلة العين..الآلية دي بتخلص لما بنروح مرحلة تانية غير حركة العين السريعة...اللي بيحصل بقى..إن الإنسان بيصحى وهو لسة فيالمرحلة دي..وطبعا آلية الارتخاء دي بتكون لسة شغالة..فـبيبقى هو صاحي وواعي بس مش قادر يحرك أي عضلة من جسمه..ومن هنا بيحس إنه مشلول..وبما إن الدماغ بتكون لسة فيمرحلة الحلم فـبيجيله كوابيس بقى وأحلام مش تمام....

كده خلصنا الجاثوم..

Tweet