حبيبتي...

مرسال..لحبيبتي...

حبيبتي...

حبيبتي شرطة مايلة فراغ..

وهاكتب ليه حروف اسمك...

ماهو إنتي في قلبي ساكنة القلب..عارفة بقصتي وحالي...

ومين غيرك في قلبي اكتبله مرسالي..

أما بعد...

مانيش عارف ده جوابك كام معنتش بحسب الصفحات..

معنتش بحسب الاقلام..معنتش بحسب اللي ضاع من الاوهام..

كفاية إني بحبك بس..

وقلبك لو بقلبي حس..أو شاف حاله في بعادك..

لصلى لربه واستغفر لذنبه وصام..

وياما في نفسي..ياما ياما ياما في نفسي..

تيجي ل قلبي وتحني...

ولازم تعرفي إني …لانا عفريت ولا جني..

بحبك بس ايد اقصر كتير مني...

فـمش هقدر اجيبلكك منتهى الجفة …واجيبلك من الياقوت كفة...

ومش هقدرأجيب الوالي في الزفة...ومش هقدر اجيبلك بيت..

يموت القطر لو لف في حماه لفة..

كفاية إني بحبك موت ..وحب الناس ندامة وعار وحبي عكسهم عفة..

ولو ترضي...ولو ترضي فـعندي شروط...

أنا طبعا بحبك موت ولكن برضه ليَّ شروط...

أنا عايزك تكوني في الوريد دمه.. ..

وتبقي في عقلي أنا همه..

وتبقي ورد جوه القلب غيري يشوفوا يتحسر ولا يشموا...

وعايز رمشك الجارح..صراط يجرح فؤاد غيري..

ميرحمش وأنا اجيلك.. اعدي فوق صراط رمشك ولا اخافشي..

وحتى لو وقعت في يوم من الخضة...اقع في عنيكي واتوضى..

واصلي ركعتين لله..وابوس نني العنين وأمشي..

لانا طماع ولا في طبعي الانانية..

جناين قلبي راح تفضل ولو طال البعاد فاتحة...

بحبك قلتها بالكسرة نفسي اسمعها بقى بالفتحه..

برنس-مسار اجباري

myspace.com/massaregbari

Tweet