بقالي كتير قوي مكتبتش حاجة..أكيد محدش خد باله..أصلا هما كام واحد بيقروا البلوج..ماعلينا...أنا واثق من نفسي..أيوه..أيوه..أنا ناجح...أنا بقرا البلوج بتاعتي..أنا كفاية...
بعد المقدمة اللي ملهاش لازمة..شوية من صحابي القريبين عرفين الأحداث اللي حصلت الكام أسبوع دول..وده اللي خلاني أبعِد عن الكتابة وأبعِد عن حاجات كتير لفترة كده..بس أنا رجعت..وبقول للحاقدين والاعداء والبلوجات المنافسة..أنا رجعت...
عندي كام موضوع هأتكلم عنه..بس مش عايز أزعل ماما دولت مني..عشان كده البوست ده هيبقى خفيف خفيف...
هي مش مواضيع قوي..سموها زي متسموها..تأملات...ابداعات..تخيلات..شطحات..أي حاجة...
--------------------------
السعودية في منعها للانفتاح على قنواتها والستات وكده..مع سماحها بدخول القنوات الفضائية لأرضها بكل اللي فيها...عاملة زي الاب اللي قاطع النت على ابنه عشان ميتفرجش على اباحة..بس بيديله فلوس بليل عشان يروح ينام مع بنات “مش محترمة".
------------------------
حاسس إن الحكومة عملت كبري سيدي جابر ل4 أسباب:
1-يتصور فيه أفلام
2-الستات الكبيرة تقع وهي طلعاة
3-الناس اللي تعدي من الشارع و الناس التانية تخبطها تقولها تستاهلو أُمّال الحكومة عملت الكوبري ليه...
4-الناس اللي من الفلاحين يبقى ليهم فسحة..ريحين فين النهرده ياما..ريحين نفسحكم على كوبري سيدي جابر يا عيال..آخد المايوه ياما..لأ ياض..هنطلع وننزل بس..
-----------------------
مواصفات الشاب السيس فمصر:
-سلسلة..يفضل تكون فضه وتبين حتة على قفاك
-نضارة شمس فكل مكان وأي مكان..وتكون من الراجل اللي فسيدي جابر..
-ساعة كبيرة..اللي انتشرت دي اللي مكتوب عليها nike..وتحس وإنت لبسها إنك لابس ساعة بيج بين بس ديجيتال
-موبيل صيني..ولازم لازم لازم تشغله في المواصلات العامة..ولازم الاغاني لو عربي يبقى من فطاحل الفن الشعبي..لو انجليش يبقى akon
-سجاير كليوباترا
-حزام كبير عشان الخناقات
-قاموس لغوي من الشتايم عشان الخناقات برضه
-قاموس اخر مقسم لجزئين أبيح وغير أبيح عشان المعاكسات.
-آخر حاجة..المشي في جماعات..كائن اجتماعي عمره مايمشي لوحده..بيكون بصحبة اصدقاؤه الولاد أو صديقاته السيس برده.
مواصفات البنت السيس فمصر:
- محجبة..وتبين قصة من شعرها..ويفضل تكون القصة مصبوغة اشقر..
- ينطبق علها بند 2 و9 في مواصفات الشاب السيس.
- ينطبق عليها بند 4 في مواصفات الشاب السيس مع اختلاف بسيط..الأغاني لازم تشغلها وهي ماشية في الشارع مش في الموصلات..عشان "محدش يحرجها بكلمة ولا حاجة “
- 3 أنواع من الضحكات:
ضحكة عالية مستمرة: دي مع صحابها من الجنسين
ضحكة محتشمة واطية: دي مع bf بتاعها
ضحكة خجولة خفيفة: دي في وقت المعاكسات اللي تعجبها.
- 15 كيلو مكياج..30 كيلو بودرة..3 كيلو روج..18 كيلو بارفان
- آخر حاجة مميزة: اللبس,يشترط فيه إن الوانه تكون فاقعة..ويشترط عدم التناسق..مع الإعتماد على اللبس المحزق جذبا للمعاكسات..والبنطلون الجينز اللي جابته من 4 سنين.
-------------------------
حاجة لاحظتها وعجبتني..لاحظت انتشار لبس البدل للناس في الشغل يعني وكده...أصل أنا دايما كنت اتفرج على أفلام زمان..الاقي طول الوقت لابسين البدله والطربوش..تحس بالاحترام..وبره برده مكان الشغل لازم بدلة..دلوقتي لا بدل ولا طربوش..بس الموضوع ده بدا يرجع تاني..فـحبيت أبدي اعجابي..
------------------------
شكر واجب:
أحب أشكر كل الناس اللي ساندوني الفترة اللي فاتت... وهما عرفين نفسهم...كانت فترة عصيبة بس بمساعدتكو قدرت اعديها الحمد لله...شكرا
خفيف...
ReplyDeleteعلى فكرة وإنت بتكتب حُط كلمة واحدة قدامك
أنا باكتب عشان نفسي مش عشان الناس تقرا
أنا بحب اقرا البلوج بتاعك
كان لازم تبقى موجود امبارح
شاذلي...
يابني هوا في حد اساسا بيقرأ البلوج بتاعك إلا علشان مقالاتي
ReplyDelete:P :D
عودا حميدا ولعلك استفدت
:)
@شاذلي
ReplyDeleteفعلا أنا بعمل كده..بس من وقت للتاني الإنسان بيحب يحس إن مجهوده ليه مردود..بس الحمدلله أنا مبسوط :)
@أبوالنور:
ماشي ياعم
شكرا
Interesting thoughts,
ReplyDeletelooking forward for more
@mika:
ReplyDeletethanks a lot :)
mkontsh a3rf aslan enak btktb!!
ReplyDeletecheck my blog ba2a 7tla2y ma yasorak!
bs nice wallahy
post yegannnnnnnnnnnnnnnen
ReplyDelete7elw 2wy , ma da7ktesh keda mn zaman hhhhhhhhhhh
3agabnty 7etet elshab w elbent elses 2wyyyyyyy :D
@ rana: thanks a lot!
ReplyDeletei saw ur blog,bas you should write more :P
@noura: :D glad u liked it
thanks