بعض مقولات الإمام الشافعي

!دي شوية مقولات للإمام الشافعي-رحمه الله-معرفش إيه المناسبة بس ابيات رائعة




أعرض عن الجاهل السفيه … فكل مـا قـال فهـو فيـه


ما ضر بحر الفرات يومـاً … إن خاض بعض الكـلاب فيه


-----------------------------------------------------------------------------


يخاطبني السفيه بكل قبح … فأكره أن أكون له مجيباً


يزيد سفاهة فأزيد حلمـاً … كـعودٍ زاده الإحراق طيباً


إذا نطق السفيه فلا تجبه … فخير من إجابته السكوت


فإن كلمته فرجت عنه… وإن خلـيته كمداً يمـوت


--------------------------------------------------------------------------------------------

إذا سبنـي نـذل تزايـدت رفعـه ...وما العيب إلا أن أكـون مساببـه

ولو لم تكن نفسـي علـى عزيـزة... مكنتهـا مـن كـل نـذل تحاربـه

ولو أنني اسعـى لنفعـي وجدتـن... كثير التوانـي للـذي أنـا طالبـه

ولكننـي اسعـى لأنفـع صاحبـي ...وعار على الشبعان إن جاع صاحبه

رحمة الله عليه

Tweet

9 أيام

9 أيام على اتمامي العشرين

الماضي..شبح بيطاردك..ماضيك الأخلاقي العاطفي العلمي الأسري...

الماضي...الزمن الجميل ..ليه دايما كل ماالإنسان بيكبر بيحس إن زمان كان أحلى..

"فين أيام أما كان رغيف العيش مليان وب5 صاغ"

"فين أيام عبدالحليم وأم كلثوم"

ابائنا واجدادنا دايما يقولوا إن أيامهم كانت أحلى..أيام الطربوش..أيام أم كلثوم..أيام الشوارع الفاضية..

9 أيام على اتمامي العشرين

الماضي...ماضيك كان أحلى؟

تفتكر لو إنت رجعت بسنك الحالي 10 سنين ورا,هتحس إن هو أحسن برضه؟

زمان وأنا صغير..كنت بحلم باليوم ده...اليوم اللي بتم في رقم من مضاعفات ال10..10..20...30..40..50..

عمري ماحسيت إني وأنا بقرب لليوم ده هابقى خايف..

9 أيام على اتمامي العشرين

احنا ليه بنحتفل بعيد ميلادنا؟ يمكن عشان الإحتفال ده يدينا أمل إن مستقبلنا هيبقى أحسن من ماضينا؟ ولا وصلت درجة تفاهة الإنسان إنه يحتفل بسنة نقصت من عمره؟

فعلا أنا عمري مفهمت الناس اللي بتحتفل بالمجازر وذكرى مذبحة مش عارف إيه..

الإنسان مخلوق عجيب غريب...مرة شفت فيلم..كان بيحكي عن مخلوقات فضائية..والفيلم اكنهم هم الطبيعيين..وجالهم واحد من الارض..وإزاي هم شافوا غريب جدا عنهم...

أنا متأكد لو طلعنا بره الدايرة..وبصينا علينا..هنقول إيه اللي احنا بنعمله ده

9 أيام على اتمامي العشرين

عمري ماجتلي الفرصة إني اقعد مع نفسي.. اقعد في الكافيه..أو في النادي..آخد مشروبي.. اقعد أكلم نفسي..(بصوت مش مسموع طبعا)..احكيلها عن حياتي واللي حصل فيها..احكيلها عن احلامي...عن خيالاتي الجامحة..عن كمية البنات اللي أعجبت بيهم..عن البنتين اللي حبوني ومحبتهمش...عن البنت اللي حبيتها ومحبتنيش..عن احلامي في السفر لأي بلد حتى لو كانت كينيا...عن رغبتي في إني أدخل اقتصاد وعلوم سياسية...عن معاناتي في كليتي في قسمي..

عندي احساس غريب بعدم الإنتماء للكلية دي...يمكن عشان كان ليا منحة في GUC وعرفت متأخر؟يوميها اضايقت قوي...بس قلت أكيد فيها خير..بس يومها قررت إن مش فارقة..امتياز من جيد جدا من جيد من مقبول...كلها مسميات...

نفسي اشتغل في مجال الصحافة..أو الكتابة عامةً...مثلي الأعلى أحمد خالد توفيق..راجل عبقري...

احساس فظيع بالتبلد...تبلد في المشاعر..تبلد في الاحاسيس...مبسالش على حد..يترتب عليه ماحدش بيسأل عليا..عزلة..

آه يا زمن...

بشتاق لأيام الطفولة..بس ده موضوع تاني...

9 أيام على اتمامي العشرين

دايما بييجي فيدماغي سؤال...ليه كليتنا كده...ليه امتحاناتنا يوم و يوم..ليه بيطلعوا **** في الامتحانات...والعكس تماما في الكلية التانية...بين كل مدى ومدى 3 4 أيام..مابيرحوش الكلية أصلا..

ليه واحد بيلعب ماتش 90 دقيقة فالإسبوع وبياخد عليه 30 ألف جنيه..وواحد بيشتغل 8 ساعات في اليوم وبياخد في الشهر 800 جنيه

ليه ناس بتتولد تلاقي أهلها اغنيا وناس تتولد تلاقي أهلها فقرا..

قد إيه الدنيا ظالمة...

9 أيام على اتمامي العشرين

Tweet