مينفعش إنه يعدي يوم الإنتصار من غير ماكتب حاجة عنه
معلوماتي قليلة جدا عن الحرب, وتنصب جميعها في مدى اهمية الضربة الجوية وتأثيرها والقيادة الحكيمة للمخلوع
من بعد ماقريت واللي استنتجته إن سلاح الطيران مكنش الاساس, والمشاه هم اللي عملوا كل حاجة
طيب أنا باكتب ليه النهاردة؟ أنا باكتب عتاب شديد كنت عايز اكتبه من زمان
سيبك من إن ابطال الحرب الفعليين لم يكرموا, وإن المجلس الأعلى للقوات المصلحة مفهوش الابطال العظام, وإن المجلس الأعلى برضه ارتضى إن الكليات الحربية المختلفة يكون ولاءها لشخص الرئيس وليس للدولة (ويظهر ده في تخريج الدفعات أما بيعملوا تشكيلة مخصوص ويكتبوا مبارك)
عتابي لأهلنا, اللي معظمهم سمحوا إن التاريخ يتزور, وسمحوا إن يغذوا ادمغتنا بأن مبارك هو صاحب الفضل الاول والأخير بأم الضربة الجوية بتاعته, من غير مايبذلوا أي جهد بشرح أي حاجة لينا
لذلك أمانة علينا إن احنا نقرا كويس, مصادر أخرى غير اللي كانت موجودة, لان حصل تزوير كبير جدا فالتاريخ, الأمانة بتاعتنا إن ننقل حقيقة الحرب لأولادنا, عشان ينقلوه لأولاد أولادنا.
ليه نقول ان سلاح كذا هوا اللي شال الليلة!؟
ReplyDeleteكل الاسلحة شاركت مع بعضها وكل بذل اقصى مجهوده وكان ندا للسلاح المناظر لدي العدو
+
الضربة الجوية مش بتاعت حد
+
المجلس العسكري اغلب اللي فيه من جيل اكتوبر
:D