الماضي..شبح بيطاردك..ماضيك الأخلاقي العاطفي العلمي الأسري...
الماضي...الزمن الجميل ..ليه دايما كل ماالإنسان بيكبر بيحس إن زمان كان أحلى..
"فين أيام أما كان رغيف العيش مليان وب5 صاغ"
"فين أيام عبدالحليم وأم كلثوم"
ابائنا واجدادنا دايما يقولوا إن أيامهم كانت أحلى..أيام الطربوش..أيام أم كلثوم..أيام الشوارع الفاضية..
9 أيام على اتمامي العشرين
الماضي...ماضيك كان أحلى؟
تفتكر لو إنت رجعت بسنك الحالي 10 سنين ورا,هتحس إن هو أحسن برضه؟
زمان وأنا صغير..كنت بحلم باليوم ده...اليوم اللي بتم في رقم من مضاعفات ال10..10..20...30..40..50..
عمري ماحسيت إني وأنا بقرب لليوم ده هابقى خايف..
9 أيام على اتمامي العشرين
احنا ليه بنحتفل بعيد ميلادنا؟ يمكن عشان الإحتفال ده يدينا أمل إن مستقبلنا هيبقى أحسن من ماضينا؟ ولا وصلت درجة تفاهة الإنسان إنه يحتفل بسنة نقصت من عمره؟
فعلا أنا عمري مفهمت الناس اللي بتحتفل بالمجازر وذكرى مذبحة مش عارف إيه..
الإنسان مخلوق عجيب غريب...مرة شفت فيلم..كان بيحكي عن مخلوقات فضائية..والفيلم اكنهم هم الطبيعيين..وجالهم واحد من الارض..وإزاي هم شافوا غريب جدا عنهم...
أنا متأكد لو طلعنا بره الدايرة..وبصينا علينا..هنقول إيه اللي احنا بنعمله ده
9 أيام على اتمامي العشرين
عمري ماجتلي الفرصة إني اقعد مع نفسي.. اقعد في الكافيه..أو في النادي..آخد مشروبي.. اقعد أكلم نفسي..(بصوت مش مسموع طبعا)..احكيلها عن حياتي واللي حصل فيها..احكيلها عن احلامي...عن خيالاتي الجامحة..عن كمية البنات اللي أعجبت بيهم..عن البنتين اللي حبوني ومحبتهمش...عن البنت اللي حبيتها ومحبتنيش..عن احلامي في السفر لأي بلد حتى لو كانت كينيا...عن رغبتي في إني أدخل اقتصاد وعلوم سياسية...عن معاناتي في كليتي في قسمي..
عندي احساس غريب بعدم الإنتماء للكلية دي...يمكن عشان كان ليا منحة في GUC وعرفت متأخر؟يوميها اضايقت قوي...بس قلت أكيد فيها خير..بس يومها قررت إن مش فارقة..امتياز من جيد جدا من جيد من مقبول...كلها مسميات...
نفسي اشتغل في مجال الصحافة..أو الكتابة عامةً...مثلي الأعلى أحمد خالد توفيق..راجل عبقري...
احساس فظيع بالتبلد...تبلد في المشاعر..تبلد في الاحاسيس...مبسالش على حد..يترتب عليه ماحدش بيسأل عليا..عزلة..
آه يا زمن...
بشتاق لأيام الطفولة..بس ده موضوع تاني...
9 أيام على اتمامي العشرين
دايما بييجي فيدماغي سؤال...ليه كليتنا كده...ليه امتحاناتنا يوم و يوم..ليه بيطلعوا **** في الامتحانات...والعكس تماما في الكلية التانية...بين كل مدى ومدى 3 4 أيام..مابيرحوش الكلية أصلا..
ليه واحد بيلعب ماتش 90 دقيقة فالإسبوع وبياخد عليه 30 ألف جنيه..وواحد بيشتغل 8 ساعات في اليوم وبياخد في الشهر 800 جنيه
ليه ناس بتتولد تلاقي أهلها اغنيا وناس تتولد تلاقي أهلها فقرا..
قد إيه الدنيا ظالمة...
9 أيام على اتمامي العشرين
eh2 eh2 , yabny ana 5las ha3ayat :(
ReplyDelete3moman , kol san wenta tayeb mo2daman :D
we nice post .
معلش يا عوص هى الدنيا كدا و بعدين يا عم محنا فى الهوا سوا مانا كان نفسى برضه اقتصاد و علوم سياسية بس اهو مستمع معاك بالعز اللى إحنا فيه و ياسيدى إذا كان فات من عمرك 20 سنة لسه فاضل كتير إن شاء الله
ReplyDeleteإذا كان نفسك تبقى كاتب مهو أحمد خالد توفيق دكتور و كاتب يعنى عادى إحنا ماضليناش الطريق
خدها نصيحة واحد مجرب يا عوس خد السياسة هواية ومتخدهاش احتراف كويس انك يبقي ليك في السياسة والافكار الكتيرة الموضوع بيبقي حلو لما تكون الحاجة هواية انما انك تاخدها دراسة صدقني مش هاتطيق يمتحنوك في كتاب من كتب داروين او ماركس احمد ربك واقتنع بما في يدك
ReplyDeleteوعلي حكاية الدنيا ظالمة وكده يا بني اساسا مافيش حاجة اسمها ظالمة صوابع ايدك ذات نفسهم مش زي بعضهم
كل واحد ليه في الدنيا 24 قيراط اخدهم صحة ياخدهم ستر ياخدهم مال ياخدهم ولاد ياخدهم في الاخرة هوا مسيره واخدهم واخدهم ماتقلقش انت بس
ويا سيدي عقبال ما تتم ال 30 كده ونشوفك في المصري اليوم كده وساعتها هاخليك تنشر مقالاتي غصبن عنك
:D :P
الا قولي كنت عاوز اكتب حاجة في نص السنة اكتبها عندك ولا اعيد فتح مدونتي؟
ReplyDeleteمن المخيف فعلًا إنك تتم عشرين ..حينها تمر أحلامك كلها أمام عينيك و كل الإنجازات التي أردت تحقيقها لتجد أن طريقك يختلف تمامًا عمّا
ReplyDeleteكنت تتخيله سابقًا..
بالمناسبة : أنا كنت محتارة بين عمارة و كمبيوتر .. و لا أعرف هل مكاني الآن صحيح أم لا..و لا أعرف هل كانت عمارة لتكون أفضل لي أم لا ..لكن أنا صليت استخارة و دخلت كمبيوتر !
بعدها ستجد طريقة لتحقق ما تريده و ما تحبه في الطريق الذي أنت فيه الآن ..
الكثيرون فعلوها ..
لكن انظر للأمر من الجانب المشرق ..على الأقل عيد ميلادك بعد انتهاء الامتحانات ! :D
Happy Birthday :)
أولا.. كل سنة وأنت طيب .. وعقبال 100 سنة -رقم أهو من مضاعفات الـ 10 -
ReplyDelete:D:D
ثانيا ..
متفق مع أبو النور في كل اللي قاله ..
عادي هي دي الدنيا ..هنعمل ايه ..؟؟
مش كل حاجة بنتمناها في الدنيا بتتحقق .. وإلا كانت الدنيا هتبقى الجنة بتاعتنا ..
لازم نكسب ونخسر ..
بس بلاش يبقى عندنا لا مبالاة .. اه هي الدنيا ظالمة .. بس لازم نعرف ناخد حقنا أو جزء منه منها ..
واه .. حاجة تانية بقى.. هو كل القسم بيقرأ لدكتور أحمد خالد توفيق ولا ايه ..؟؟
:D:D:D
وكمان أنت لسه في سنة تانية .. والترم الأول كمان وبتقول كده ..أمال لما تشوف الكنترول الترم التاني هتعمل ايه ..؟؟؟
هتطفش من القسم ..؟؟
:D:D:D
ربنا يوفقك .. وكل سنة وأنت طيب تاني ..
:)
@ramzy
ReplyDeletethnx..glad u like it :D
@doola:
ReplyDeleteمعاك حق واللهِ..الحلم لسة موجود ;)
@aboelnoor
ReplyDeleteأولا:مجرب إزاي يعني:P
ثانيا:فعلا كل واحد بياخد نصيبه...بس فيه ناس بتاخد نسبها كامل ومكمل..ده قصدي
ثالثا:المصري اليوم مرة واحدة..ده لو كتبت في مجلة الحائط بتاعت
IEEE
يبقى قشطة قوي :D
آخر حاجة: أكيد البلوج مفتوحة ليكي يا أبوالنور..بس لسة زي ما احنا..البوست بـربع جنيه :D:D
@amani:
ReplyDeleteفعلا..طريق مختلف تماما..عما تخيلته ل نفسي وعما تخيله الناس ليا
بالنسبة لعمارة..دول اشقائنا الاعزاء..مش عايزين نتكلم عليهم :D
بس أكيد إنتي في المكان الصح
فعلا..والسنة اللي فاتت كمان كان فينفس اليوم اللي خلصنا فيه..:D
@7atem
ReplyDeleteشكرا على أمنياتك ..بس يارب يطلع يوم سعيد فعلا بعد امتحان ال
OOP :S:D
فعلا..لازم نعرف ناخد حقنا من الدنيا بالمتاح لينا
القسم كله بيقرا آه..بداية من المعيدين لحد الطلبة
(ماعتقدش في دكتور بيقراله :D:D)
كنترول كنترول..أنا بفكر أكتب..أسطورة الكنترول :D
شكرا :)
مجرب ازاي؟
ReplyDeleteيا عم اركن صورة البروفايل بتاعي علي الفيس حمضت ومحدش ساب كومنت يقول ايه هيا وتقولي ليك في الفكر
اركن بس كده علي جنب
:P