إزاي تحول منطقة راقية لمنطقة قذرة؟

إزاي تحول منطقة راقية لمنطقة قذرة؟**

1- أهم وأول خطوة..افتح محلات لبس كتيرة فحط..وهات شباب سيس(راجع تعريف الشاب السيس في البوست اللي فات) يشتغلوا فيها..يعاكسوا كل واحدة معدية..ويتخانقوا مع كل شاب مش عاجبهم...ولازم تكون محلات لبس قذرة..بتجيب لبس زبالة..وألوان غريبة...وتكون غالية برده..لازم يكون في استغلال..

2- تاني خطوة..ابعت كل عربيات الفاكهة والخضار والروبابكيا وأي حاجة تخطر في بالك..ابعتها تلف في المنطقة دي...وطبعا خليهم يعزفو أحلى الالحان الشاذة في الدنيا..لا تقولي أبوالليف ولا أي حد..اللي عنده حاجة قديمةةةةة بشترييييييها...فراولةةةةة يا باشا...حمرااا يا طماطم...

3- كسر الشارع كل يومين..كل مرة بحجة مختلفة..مرة غاز..مرة مية..مرة مجاري..مرة تغيير رصيف..مرة عشان إنت عايز كده...وأهم حاجة إنك مترجعش الشارع زي ماكان..لازم تبوظو..

4- حاجة مهمه لسكان المنطقة...يشتروا كل شقة..3,4 عربيات كده...عشان يزحمو الدنيا..ويخلو السواقة في المنطقة عذاب..

5- آه حاجة مهمة..إنك تعرف تنقي البوابين...بحيث يبقوا عيلتهم كبييرة..ويجيبه عائلاتهم معاهم...بحيث تحس إن البوابين أكتر من سكان المنطقة نفسها...

6- افتح جاد ومكة

7- مبروك منطقتك بقت منطقة قذرة!

**قصة حقيقية عن منطقة سموحة

سموحة زمان

Tweet