امبارح دخلت فيلم عسل اسود..اتبهرت واتصدمت فينفس الوقت..ابهار من أداء الممثلين..وفكرة الفيلم..اتصدمت..اتصدمت من الحقيقة..ودي طبيعتنا كلنا..مبنحبش حد يواجهنا بالحقيقة..اتصدمت لما شفت أحمد حلمي..بيتضرب من المخبر والظابط..اتصدمت لما مسكوه عالكورنيش وخدوه للقسم بدون أي تهمة..لمجرد إن الظابط كان “ بيشك فيه"..اتصدمت لما شفت الموظف الحكومي بيقولوا شربنا شاي..شاي إيه اللي بـ 100 جنيه؟ اتصدمت لما شفت سواق المشروع بيضيع حقه عشان خاطر الهانم..واتصدمت عشان نفس السواق بينصب عالناس الأجانب...اتصدمت واتصدمت واتصدمت..المشكلة إن الفيلم منجحش فانه يوصل رسالته..ده خلاني اكره مصر أكتر!(مش معناه إني بكرها,بس معناه إنه زود نسبة كرهي لمصر عن ماكانت عليه)
--------------------------------------------------------------------------------
بعد ماشفت الفيلم..وفرق معاملة الناس (كل الناس مش الحكومة بس) للاجانب عن المصريين..كنت داخل كده على موقع مصر للطيران..أول صفحة إيه بقى..اختار البلد اللي إنت فيها..مش عارف إيه الهدف من الخطوة دي..المهم اخترت مصر بحكم حسن النية..ودخلت ويا ريتني مادخلت..موقع زبالة ..وبعدين افتكرت الفيلم..قلت أحسن يكونوا عاملين موقع زبالة للمصريين مختلف عن الأجانب ..قلت أدخل أشوف..لمفاجأتي طلع الموقع أصلا في الحقيقة زبالة....قلت الحمدلله لسة فيكي خير يا بلد..
------------------------------------------------------------------------------
قريب إن شاء الله هأعمل دراسة عالتعليقات بتاعت الناس عالأخبار في المواقع الالكترونية..اللي يحب يشارك بأفكار أو يشارك في الدراسة يقولي..
-----------------------------------------------------------------------------
سؤال محيرني ومطير النوم من عيني..ملهوش جواب! ليه احنا كده؟ ليه فوقنا دلوقتي؟ ليه مافوقناش من زمان؟ ماياما ناس ماتت في الاقسام..وياما ناس اتضربت..وياما بنات اغتصبت..وياما رجالة اتهتك عرضهم..وياما ناس اتعذبت..بلاش دي..ليه الشعب مزعلش لما سعر البنزين زاد؟ ليه مزعلش أما اسعار الشقق بتزيد؟ ليه مزعلش أما نص الشباب مش لقيين شغل؟ ليه مزعلش من التلوث والمية اللي بالمجاري؟
خلاصة الكلام..في 100 سبب لو جمعناهم مع بعض كانوا حركوا جبال من 20 سنة عالأقل..وأنا متأكد..اسبوعين وخالد هيتنسي..ومامته هتنسي..وأحمد عثمان هتنسي..وكله هيرجع لحاله..اللي يروح مارينا..واللي يروح يشتغل عشان يساعد أهله..واللي هيتاخد في الاقسام..واللي هتغتصب...
---------------------------------------------------------------------------------
الاسبوع اللي فات كله كان أسبوع غريب,الاكل كله كان طعمه غريب..آكل الموزة من هنا الاقي طعمها غريب.."يبقى دي أكيد الموزة اللي مروية ميه مجاري"...اللحمة طعمها غريب..."لحمة حمييييير"..العيش طعمه عجيب.."قمح مستورد بحشرات"...المية حدث ولا حرج..." ميه مجاري وش"...طب أعمل إيه؟ طب أي حكومة –معارضة ولا مستقلة ولا حتى نفس الحكومة دي-هتعرف ترجع للشعبـ ثقته فمنتج بلده؟
"البلد دي عايزة يتولع فيها..وتبتدي من جديد تاني على نضيف,ناس جديدة,أرض جديدة,حياة جديدة"
------------------------------------------------------------------------------------
تابعت بشغف المظاهرات بتاعت الاسبوع اللي فات- لو سقطت في القانون هيبقى بسببها- وقعدت أفكر..أنا عايش في حتة غلط..عايش فسموحة..بطون بتاكل..كروش بتكبر..ناس ولا حاسة بالي حواليها...شباب مقضي نص حياته في البلايستشين.. بنات بيتابعوا ميلودي ومزيكا...رجالة تنزل الشغل الصبح وترجع بليل..ستات تستنى رجالتهم أما يرجعوا من الشغل بليل..عُمال البنا يجوا الصبح يطلع *** في الشغل ويروحوا آخر النهار باليومية..بوابين قاعدين مش بيعملوا حاجة...اديني سبب واحد يخلي أي حد من دول يثور..ناس مش حاسة بـأي حاجة!!
--------------------------------------------------------------------------------------
ربنا يكون فعونك يا حكومة..هتلقيها من بره ولا من جوه! إشي دول حوض النيل..على فلسطين..على اسرائيل..على الجزاير..وإشي خالد سعيد “شهيد البانجو" على رأي السيد الكاتب المحترم..على مظاهرات..على اخوان..على كفاية..على جمعية وطنية للتغير..على بنزين..على مية..
لكي الله يا حكومة!
------------------------------------------------------------------------------------
كان زمان يقولك, مش زمان حتى..فأي حتة في ال دنيا..يقولك الحكومة هتجيبلنا حقنا..أسيب خيالك مفتوح تقولي الحكومة دلوقتي بتعمل إيه؟
------------------------------------------------------------------------------------
قرفونا زمان...القانون لا يحمي المغفلين.. القانون لا يحمي المغفلين..أنا صدقتها ومازلت اصدقها..بس هي ناقصة شوية حاجات..مفروض تبقى:
"القانون لا يحمي المغفلين..القانون يحمي المرتشين..القانون يحمي النصابين..القانون يحمي الفاسدين...القانون يحمي المفسدين..القانون يحمي الدكتاتوريين...القانون يحمي الناس المهمين"
-----------------------------------------------------------------------------------
في الوقت اللي كنا بنمتحن فيه امتحانات آخر السنة..كانت الحكومة متمثلة في جميع وزارته وهيئاتها بتمتحن امتحاناتها برضه..
1- خالد سعيد
2- المحامون والقضاة
3- الكنيسة والقضاء الإداري
4- ازمة مياة النيل
5- انتخابات الشورى
6- أسطول الحرية
نتيجتها طلعت..شايلة كل المواد!
nice ya 3os
ReplyDeletemeen elly 2al en elnas dih msh 7assa b2y 7aga ,, akeed 7assen tab3an we mt2asarin ,, tefteker lw homma shafok mashy fi el share3 masalan msh mmkn bardo y2olo da shab msh 7ases b2y 7aga,, msh shart 3shan msh bye3melo posts 3l facebook masalan aw msh byetla3o mozahrat yeb2o msh 7assin
ReplyDeletei like this posttttttttttt geddn w nfs el klam kan gay fi dm3'y bs m3ndysh w2t aktb....aw m2roffaaaaaaaaaa awi ldrga mesh m7'liani aktb " ana z3lan aawi mn el bld di 3lshan 7'ltny akrhaa"
ReplyDelete