بعد انتشار الحملات المطالبة بعودة الرئيس المخلوع أو رد كرامته (قال يعني عنده),اقتنعت ان هناك بعض الفئات من الشعب المصري تحب جلادها,أو مصابة بمتلازمة ستوكهولم (شكرا للدكتور أحمد خالد توفيق لتعريف الشعب المصري بهذا المصطلح), ولم أجد انسب من رائعة الشيخ إمام لتعبر عن حالتي النفسية الحالية (مع الإحتفاظ بحق استبدال "أنور" ب"مبارك")
إحنا معاك .. إحنا معاك
ريسنا يا أنور
إحنا معاك .. إحنا معاك
تخرب تعمر
إحنا معاك يا ابو لمعه يا قُمعه
ياللي خربت بلادنا ف جمعه
إحنا معاك مهما تغلبنا
نجري وراك ونبيع مبادئنا
إحنا معاك .. إحنا معاك
ريسنا يا أنور
إحنا معاك .. إحنا معاك
تخرب تعمر
إحنا معاك يا بايع أراضينا
ياللي سايب أعدائنا ف سينا
بكره يا ريس بكره تسلم
الاستعمار يتحكم فينا
إحنا معاك .. إحنا معاك
ريسنا يا أنور
إحنا معاك .. إحنا معاك
تخرب تعمر
إحنا معاك يا بطل مغوار
شوفنا الست ف خط النار
بكره الحلوه تقابل وزرا
وانت يا ريس تعمل زار
إحنا معاك .. إحنا معاك
ريسنا يا أنور
إحنا معاك .. إحنا معاك
تخرب تعمر
إحنا معاك يا طبيخ ف الأنجر
رز بالكاري وسلطة بنجر
عامللي نفسك ولا بيكاديللي
وانت منفذ أمر كسينجر
No comments:
Post a Comment