كنا واحنا صغار..نحب القمر أكتر..ونغني للعصافير..ونحن للبندر..
البوست ده اهداء لمرام..
حدث جليل حصلي السنة دي..كنت اتكلمت عنه قبل كده..ألا وهو بلوغي سن العشرين..
“ياه عشرين ده إنت لسة طفل يابني..ده انا لو كنت بلعب بديلي زمان كان زماني خلفت واحد قدك..بكرة تتخرج وتتجوز وتدوق العذاب"
"إيه ده إنت بقيت عشرين..على كده أنا اقولك يا عمو"
بقالي عقدين عايش..ياه شوف الزمن..(العقد بكسر العين هو فترة من الزمن تعادل 10 سنين)..
أول مابفتكر الموضوع ده بييجي في دماغي حاجتين..
أول حاجة: شريط محمد منير:"امبارح كان عمري عشرين"..الشريط ده كان نازل سنة 2005 يعني ايامها كان عندي بظبط 15 سنة (لاحظ إن أنا مولود في بداية عقد ودي حاجة جامدة جدا عشان بتسهلي إني احسب عندي كام سنة لما بانسى)...ساعتها لما كنت باسمع الشريط وبالذات الأغنية دي بأقول..ياه أكيد محمد منير ده كبير عشان يقول امبارح كان عمري عشرين..
دلوقتي بعد ماكبرت وبقيت 20+ أقدر أقول..: "امبارح ..كان عمري عشرين"
تاني حاجة بتيجي فيدماغي: أيام زماان..لما كنت 10-12 سنة كده..كنت ببص للناس اللي هم 20 سنة فما فوق..على انهم اعجاز تاريخي..على إنهم عباقرة لم ينجب الزمان منهم الكثير...وكنت بشوف سن العشرين ده بعيد قوي..وإني لما هوصل السن ده هكون حققت ¾ احلامي..واللي سعيد على ده كمان..كان زمان يعدوا يقولولك عارف مش عارف مين اختراع مش عارف إيه وهو عنده كام سنة..والكلام اللي ملوش لازمة ده..
طب ليه واحنا صغيرين كنا بنتمنى إن احنا نكبر؟ ولما كبرنا نفسنا نرجع صغيرين تاني؟
أنا نفسي أرجع صغير تاني..أيام مكنش في مسئوليات..مفيش ضغط من الدنيا كلها عليك..مفيش وجع دماغ..في لعب وبنبوني ومصاصات وعيديات وكارتون ومنتزه وبامبرز(وسعت مني دي (
أيام البتاع الغريب ده اللي كنا بناكله..اللي مش عارف كان عبارة عن إيه..بس كان بيبقى أكل مضروب في الخلاط..((gerber?
أيام تصرفاتنا الطفولية التلقائية..
أيام ماكنا ننزل مع الوالد نصلي الجمعة...ونزنق نفسنا معاه في نفس الصف عشان منبعدش..
أيام ماكنا نتنقل من سرير لسرير عشان نقعد عالحتة الساقعة اللي لسة محدش استخدمها..
أيام ماكنا مابنغسلش اطباقنا ( وبركز عالحتة دي عشان بعاني منها)
أيام ماكنت أصعب مسألة عندنا: 2+2-4/10
أيام ماكنا بنضحك فعلا على توم وجيري..
أيامfifa98 وسوبر ماريو..
طيب هو احنا لازم تفكرنا يبقى سلبي كده؟لازم يبقى نفسنا نرجع للطفولة لدرجة إن احنا منفكرش في المستقبل؟ لازم نفكر إن احنا محققناش حاجة من اللي كنا بنحلم نحققها؟
الموضوع ده حيختلف من شخصية للتانية..ممكن يكون حافز..وممكن يكون مثبط..
بس أهم حاجة إن احنا نعيش اللحظة..ونخطط لبكرة...
And in the end, it's not the years in your life that count. It's the life in your years.
good for you, I'm still 19, I'll know that feeling at October.
ReplyDeletebut a thing about me, I've never wished to become younger, I've never liked those days, always hated when I was looked at as a child.
sure I mess the 4 months summer vacation, play station 30 hours per day, PC when no one had PC.
but that doesn't mean I'm a big fan of myself right now,
you must be kidding me! you dont like those days??
ReplyDeletewell,I would consider you lucky =)
Shoof ya Oss, Mounir kan beyefteker ayam makan 20, beye7n le ayam shababo, w enta bet7en le ayam el tofoola! da 3ady 3ala fekra :), ana kont lessa ba2ool le maram el kalam dah, in each age there are some good times ( momken yeb2o many, mesh bas some ) you have lived those of childhood, it's time to live those of youth! and time will come to live those of manhood, but in every stage you'll miss those of the previous one, without noticing those you are already living! :) 7ad fahem 7aga?!
ReplyDeleteجميل موضوعك احب اقولك انى قبل العشرين كانت حاسيس انى الـ 20 ده ايه حاجه جامده وانها حياه تانيه لكن لما دخلت فيها لقتها عادى جدا بالعكس ده وانا فى 18 كان احساسى بالرضى من نفسى اكتر ماعلينا مطولش عليك انا دخلت فى العشرين من تقريبا 6 شهور ونفسى اعدى منها و اوصل للـ 22 علشان اكون اتخرجت وابدء حياتى العمليه وتأسيس البيت وكل الحاجات اللى شيلين همها دى اللى اكيد عرفها
ReplyDeleteنست اقولك اسمى سمسم وليسه بدرس فى معهد نظم معلومات
ReplyDelete@ qadry: i totally agree ,bs brdo its normal to miss the old days :D
ReplyDelete@ semsem:
أهلا بيك يا سمسم..وفعلا الموضوع ده في حجتين..ناس بتحن للمادي وأيام زمان...وناس نفسها الايام تعدي بسرعة عشان يوصلوا للحاجات اللي بيحلموا بيها..ده بيختلف من شخصية للتانية..