"جمال عبد الناصر ولا أنور السادات..جمال أحسن..عمره مارضخ...أنور أحسن هو اللي كسبنا الحرب..لا يعم أنور ده جبان..عمل معاهدة سلام فيوقت احنا كنا أقوى...يابني إنت مش فاهم أنور عمل عين العقل..عشان يحمي مصر...يابني ولا جمال ولا أنور...حسني هو الزعيم...سلام..أمان..استقرار..رفاهية..دي الحكومة بقت الكترونية..أيوه الكترونية...وأهو بيحمينا من إن ندخل أي حرب..وبكرة نشوف ابنه هايمرمغنا في الدهب والغاز الطبيعي..."
كل سنة وأنتم طيبين..النهرده أجازة..أجازة رسمي..6 أكتوبر..ولمن لا يعرف...يوم 6 أكتوبر قررنا..إن المحروسة تعود لينا...والمحروسة اللي هي مصر...النهرده الصبح داخل على الفاسبوك..لقيتلك كمية فيديوهات خرافية...أغاني وطنية على أفلام وثائقية على مدح في الحرب على ستاتوس عن الحرب على شتيمة فيحال البلد اللي التغير...المهم إن إنت تحس فعلا إن النهرده ذكرى الحرب..حرب أكتوبر...اللي قهر فيها الجندي المصري الجندي الصهيوني..في وقت كانت الترسانة الإسرائلية لا تقهر..عبرنا القناه..وحررنا سينا..و سوريا ساعدتنا..مش عارف ليه دايما بنهمل سوريا...ووقعنا اتفاقية السلام مع اسرائيل..وسبناهم يعدوا فيفلسطين...بس ده مش موضوعنا...مفيش إتنين في العالم يختلفوا على عظمة الناصر فيالحرب دي..والطريقة اللي حصل بيها...بس ياترى..احنا أحسن بعد الحرب؟ كان فيه ثورة...واهداف..اتنفذت منها شوية...بس يمكن عشان الإحتلال وكده مكملتش..بعد الحرب...اتنفذت الهدف؟..نصها حتى...هل حصل مساواه اجتماعية؟هل قضينا عالاقطاع؟وغيره وغيره...
نظرة كده ل حال مصر بعد الحرب ومعاهدة السلام...
امشي في الشارع..اسال 10 شباب...نفسك تعمل إيه ل مصر...9 هيقولوا..أنا مش هقعد ..أنا هسيب المخروبة دي...1 هيقولك..نفسي مصر تبقى أحسن بلد في العالم..وأنا هحاول وأعمل اللي عليَّ..
شوف أي انتخابات بتحصل..وبس كده...
مستوى معيشة متدني..أقل من دول حولينا ونفس ظروفنا ا كتير..لبنان على سبيل المثل...
سلبية منتشرة في المجتمع..سواء سياسية اجتمعية اخلاقية..
فساد عام..سواء من الشعب أو الحكومة...في كل مكان...بدايتا من عسكري المرور اللي تديله 5 جنيه ويسهلك المخلفة...لحد رجال الاعمال اللي بيهربوا..
مفيش تأمين صحي...تأمين اجتماعي كويس...ودي حاجات اساسية فيدول تانية..
No democracy
(يارب مايفهموهاش.)...
دي مش دعوة للتشاؤم...دي دعوة للنهوض..دعوة منبقاش سلبيين...دعوة إن كل واحد يعمل اللي عليه...والحرب جاية جاية..ولما تيجي لازم نبقى أحسن من غيرنا...
امبارح بهزر مع واحد صاحبي..بيقولي بكرة ذكرى انتصار حرب أكتوبر الإنتصار الوحيد اللي عملنا...قلتله لأ في كمان انتصارين 2006 و2008..كاس الأمم الافريقية...وربنا يستر علينا...
Tweet
No comments:
Post a Comment