عثمانيات..

1- الفرق بين تأثير الازمة المالية العالمية والبخل زي الفرق بين ..:

إنك تركب مشروع أو تركب ترام ..

إنك تبعت ل واحد بليز كال مي أو تبعتله بليز ريشارج مي..

إنك تعزم صاحبتك في سلطنة ستانلي أو تعزمها في الكيخة..

إنك يبقى عندك بنطلون واحد أو إن يبقى عندك بوكسر واحد..

إنك تنام والنور مطفي أو تنام والتلاجة مفصولة..

2- بعد ماسمعت أغنية بلاك تيما "إيه يعني" اللي بيقولوا فيها "أُمال لو كنتي حلوة كنتي عملتي إيه"...عرفت إن شيخ الازهر من معجبين بلاك تيما..

3- قررت ارشح نفسي ل انتخابات الرئاسة الجاية دي ..اللي هي سنة 2100 كده..

4- بمناسبة ماتش الجزاير أحب أقول ل كابتن حسن شحاتة حاجة مهمة جدا...ارجوك احلق حتة الشعر اللي ورا دي..

5- ليه:

ليه الراجل اللي بيبيع العيش بيقول حمار وحلوة...وبيقول اطعم يا ناس من الموز؟..

ليه لما بتشتي في مصر بتتكون في الشوارع حفر مليانة بالمية؟

ليه خلوا الكلية 8 فترات ومخلوش حد ياخد فترة 7 أصلا.؟

ليه في حاجة اسمها انتخابات طلابية؟

ليه لما ظهرت حالة انفلونزا الخنزير في الكلية ماحدش اعلن؟

6- مستنيين الشتا..

Tweet