مواقف حقيقية
موقف واحد:
واقف مع صحابي جنب المكتبة نحية شارع بورسعيد...جنب العسكري اللي واقف هناك...فجأة لانى دوشة في الشارع جنبنا وعركة...ولقينا ازايز بتتحدف...وناس بتزعق وبتاع...
أنا:هو إيه العسكري ده مش هيعمل حاجة ولا إيه؟
صوت في ال جهاز اللي مع العسكري
العسكري:لأ يافندم دول بعيد عننا..بره المكتبة
صوت تاني
العسكري:لأ بره في الشارع
صوت تاني
العسكري:حاضر يافندم
أنا:إيه مش تبعكم دول ولا إيه
العسكري:لأ ملناش دعوة..طالما بره حدود المكتبة..
أنا:إزاي يعني
العسكري:أنا ليَّ حدود المكتبة..يعني لو دخل هنا أنا اطخو بالنار...
موقف 2:
ماشي فيميدان سموحة مروح بيتي...حادثة في الدوران...الاتنين نزلوا وبيتخانقوا خناقة كبيرة...عسكري المرور واقف جنبي وجنبه واحد تاني اللي هو فوق العسكري وأقل من الظابط...
العسكري:مفروض نروح نسلك ولا إيه
الشخص:لأ ملناش دعوة خليهم يولعوا في بعض
الخناقة بتكبر...الراجل ده ياخد العسكري ويبعدوا ويعدوا يتفرجوا..
No comments:
Post a Comment